I möcht' so gern a Maultasch sei

(Text und Musik: Christof Altmann)

I möcht' so gern a Maultasch sei
du wärsch du ond du wickelsch' me ei.
I wär dei broider Nudeldeig
du dädsch mi knete lang ond breit
mit deine scheene Fenger
do dädsch du mi dalge
ond drugga, ond knuddla
ond hin und her walga.
I möcht' so gern a Maultasch sei.....

I möcht' so gern a Maultasch sei
du wärsch du
ond du wickelsch me ei
bloß du dädsch mei innerschtes kenne
ond dir an mir dei Göschle verbrenne
mit deine Händ dädsch du mei Füllung knete
du gäbsch mir Würze ond Geschmack am Leba.
I möcht' so gern a Maultasch sei.....

I möcht' so gern a Maultasch sei
du wirfsch mi en des Wasser nei
en dei Göschle dädsch du mi schtecka
mit deiner Zong an mir romschlecka
mit deine volle Lippa do dädsch du an mir sauga
i zerfließ auf deiner Zong
ja des dät mir dauge
I möcht' so gern a Maultasch......
I möcht' so gern a Maultasch........
I möcht' so gern dei Maultasch sei!

D´Maultasch stellt sich vor | Lyrisches&Kulinarisches | Spielplan
Pressestimmen | Kontakt&Links